Канон иисусу сладчайшему с ударениями (2 видео) | Русский язык. Правила написания

Содержание

Канон Иисусу Сладчайшему
Канон Иисусу Сладчайшему
Канон иисусу сладчайшему с ударениями
🎬 Видео

Видео:Канон покаянный ко Господу нашему Иисусу ХристуСкачать

Канон Иисусу Сладчайшему

Припев: Сла́ва Тебе́, Бо́же на́ш, Сла́ва Тебе́.

Для корректного отображения содержимого страницы необходимо включить JavaScript или воспользоваться браузером с поддержкой JavaScript.

Память: 29 августа (16 августа ст. ст.)

Глас 2.

Ирмо́с: Во глубине́ постла́ иногда́ фараони́тское всево́инство преоруже́нная си́ла, вопло́щшееся же Сло́во всезло́бный гре́х потреби́ло е́сть, препросла́вленный Госпо́дь, сла́вно бо просла́вися.

Иису́се Сладча́йший Христе́, Иису́се Долготерпели́ве, души́ моея́ я́звы исцели́, Иису́се, и услади́ се́рдце мое́, Многоми́лостиве, молю́ся, Иису́се, Спа́се мо́й, да велича́ю Тя́, спаса́емый.

Иису́се Сладча́йший Христе́, Иису́се, отве́рзи покая́ния ми́ две́рь, Человеколю́бче Иису́се, и приими́ мя, Тебе́ припа́дающа и те́пле прося́ща, Иису́се, Спа́се мо́й, согреше́ний проще́ния.

Иису́се Сладча́йший Христе́, Иису́се, исхити́ мя из руки́ льсти́ваго велиа́ра, Иису́се, и сотвори́ десна́го предстоя́теля сла́вы Твоея́, Иису́се, Спа́се мо́й, ча́сти шу́ия мя́ избавля́яй.

Богоро́дичен: Иису́са ро́ждшая Бо́га, Влады́чице, моли́ о непотре́бных рабе́х, Пречи́стая, я́ко да му́ки моли́твами Твои́ми изба́вимся, Нескве́рная, оскверне́ннии, сла́вы присносу́щныя наслажда́ющеся.

Ирмо́с: На ка́мени мя́ ве́ры утверди́в, разшири́л еси́ уста́ моя́ на враги́ моя́, возвесели́ бо ся ду́х мо́й, внегда́ пе́ти: не́сть свя́т, я́коже Бо́г на́ш, и не́сть пра́веден, па́че Тебе́, Го́споди.

Услы́ши, Человеколю́бче Иису́се мо́й, раба́ Твоего́, вопию́ща во умиле́нии, и изба́ви мя́, Иису́се, осужде́ния и му́ки, Еди́не Долготерпели́ве, Иису́се Сладча́йший Многоми́лостиве.

Подыми́ раба́ Твоего́, Иису́се мо́й, припа́дающа со слеза́ми, Иису́се мо́й, и спаси́, Иису́се мо́й, ка́ющагося мя́ и гее́нны, Влады́ко, изба́ви, Иису́се Сладча́йший Многоми́лостиве.

Вре́мя, Иису́се мо́й, е́же да́л ми́ еси́, во стра́сти ижди́х, Иису́се мо́й. Те́мже, Иису́се мо́й, не отве́ржи мя́, но воззови́, молю́ся, Влады́ко, Иису́се Сладча́йший, и спаси́.

Богоро́дичен: Де́во, ро́ждшая Иису́са моего́, моли́ изба́вити мя́ гее́нны, еди́но предста́тельство оскорбля́емых, Богоблагода́тная, и сподо́би мя́ жи́зни, Всенепоро́чная, нестаре́ющияся.

Спа́се мо́й Иису́се, блу́днаго спасы́й, Спа́се мо́й Иису́се, прие́мый блудни́цу и мене́ ны́не поми́луй, Иису́се многоми́лостиве: спаси́, уще́дри, о Иису́се благоде́телю, я́коже благоутро́бне Манасси́ю Иису́се мо́й, я́ко еди́н Человеколю́бец.

Ирмо́с: Прише́л еси́ от Де́вы, не хода́тай, ни А́нгел, но Са́м, Го́споди, вопло́щся, и спа́сл еси́ всего́ мя челове́ка. Те́м зову́ Ти: сла́ва си́ле Твое́й, Го́споди.

Исцели́, Иису́се мо́й, души́ моея́ я́звы, Иису́се мо́й, молю́ся и руки́ мя исхити́, Иису́се мо́й Благоутро́бне, душетле́ннаго велиа́ра и спаси́.

Согреши́х, Иису́се мо́й Сладча́йший, Благоутро́бне, Иису́се мо́й, спаси́ мя, прибега́ющаго к покро́ву Твоему́, Иису́се Долготерпели́ве, и Ца́рствия Твоего́ мя сподо́би.

Никто́же согреши́, Иису́се мо́й, я́коже согреши́х а́з, окая́нный, но припа́даю, моля́ся: Иису́се мо́й, спаси́ мя и жи́зни, Иису́се мо́й, насле́дие ми́ да́руй.

Богоро́дичен: Всепе́тая, Иису́са ро́ждшая Го́спода, Того́ моли́ изба́вити му́ки вся́, пою́щия Тя́, и Богоро́дицу вои́стинну имену́ющия.

Ирмо́с: Просвеще́ние во тьме́ лежа́щих, спасе́ние отча́янных, Христе́ Спа́се мо́й, к Тебе́ у́тренюю, Царю́ ми́ра, просвети́ мя сия́нием Твои́м, ино́го бо ра́зве Тебе́ Бо́га не зна́ю.

Ты́ просвеще́ние, Иису́се мо́й, ума́ моего́, Ты́ спасе́ние отча́янныя души́ моея́, Спа́се, Ты́, Иису́се мо́й, му́ки изба́ви и гее́нны мя́, зову́ща: спаси́, Иису́се мо́й, Христе́, мя́, окая́ннаго.

Всеконе́чно, Иису́се мо́й, ко стра́сти безче́стия низве́ржен, ны́не зову́: Ты́, Иису́се мо́й, по́мощи ми́ ру́ку низпосла́в, исто́ргни зову́ща: спаси́, Иису́се мо́й Христе́, мя, окая́ннаго.

Оскверне́н у́м, Иису́се мо́й, обнося́, взыва́ю Ти́: очи́сти мя́ от скве́рны прегреше́ний и изба́ви мя́ во глубины́ зло́бы от неве́дения низпопо́лзшагося, Спа́се Иису́се мо́й, и спаси́ мя, молю́ся.

Богоро́дичен: Иису́са ро́ждшая, Отрокови́це Богороди́тельнице, Того́ умоли́ спасти́ вся́ правосла́вныя, мона́хи и мирски́я и гее́нны изба́вити зову́щия: ра́зве Тебе́ предста́тельства тве́рдаго не зна́ем.

Ирмо́с: В бе́здне грехо́вней валя́яся, неизсле́дную милосе́рдия Твоего́ призыва́ю бе́здну: от тли́, Бо́же мя́ возведи́.

Иису́се мо́й, Христе́ Многоми́лостиве, испове́дающася приими́ мя, Влады́ко, о Иису́се! И спаси́ мя, и от тли́, Иису́се, мя́ исхити́.

Иису́се мо́й, никто́же бы́сть и́н блудни́к, я́коже а́з, стра́стный, о Иису́се Человеколю́бче, но Ты́, Иису́се, мя́ спаси́.

Иису́се мо́й, блудни́цу, и блу́днаго, и Манасси́ю, и мытаря́ преидо́х, о Иису́се мо́й, страстьми́, и разбо́йника, Иису́се, и ниневи́тяны.

Богоро́дичен: Иису́са Христа́ моего́ ро́ждшая, Пречи́стая Де́во, еди́на нескве́рная, оскверне́на су́ща мя́ моли́тв Твои́х иссо́пом ны́не очи́сти.

Возбра́нный Воево́до и Го́споди, а́да победи́телю, я́ко изба́влься от ве́чныя сме́рти, похва́льная, воспису́ю Ти́, созда́ние и ра́б Тво́й: но я́ко име́яй милосе́рдие неизрече́нное, от вся́ких мя́ бе́д свободи́, зову́ща: Иису́се Сы́не Бо́жий, поми́луй мя́.

А́нгелов Тво́рче, и Го́споди си́л, отве́рзи ми́ недоуме́нный у́м и язы́к, на похвалу́ пречи́стаго Твоего́ и́мене, я́коже глухо́му и гугни́вому дре́вле слу́х и язы́к отве́рзл еси́, и глаго́лаше зовы́й такова́я: Иису́се пречу́дный, А́нгелов удивле́ние: Иису́се преси́льный, прароди́телей избавле́ние. Иису́се пресла́дкий, патриа́рхов велича́ние: Иису́се пресла́вный, царе́й укрепле́ние. Иису́се прелюби́мый, проро́ков исполне́ние: Иису́се преди́вный, му́чеников кре́посте. Иису́се прети́хий, мона́хов ра́досте: Иису́се преми́лостивый, пресви́теров сла́досте. Иису́се премилосе́рдый, по́стников воздержа́ние: Иису́се пресла́достный, преподо́бных ра́дование. Иису́се пречестны́й, де́вственных целому́дрие: Иису́се предве́чный, гре́шников спасе́ние. Иису́се Сы́не Бо́жий, поми́луй мя́.

Ирмо́с: О́бразу злато́му на по́ле Деи́ре служи́му, трие́ Твои́ о́троцы небрего́ша безбо́жнаго веле́ния, посреде́ же огня́ вве́ржени, ороша́еми, поя́ху: благослове́н еси́, Бо́же оте́ц на́ших.

Христе́ Иису́се, никто́же согреши́ на земли́ от ве́ка, о Иису́се мо́й, я́коже согреши́х а́з, окая́нный и блу́дный. Те́мже, Иису́се мо́й, вопию́ Ти: пою́ща мя́ уще́дри, благослове́н еси́, Бо́же оте́ц на́ших.

Христе́ Иису́се, ко стра́ху Твоему́, вопию́, пригвозди́ мя, о Иису́се мо́й, и окорми́ ны́не ко приста́нищу благооти́шному, я́ко да, Иису́се мо́й Ще́дре, пою́ Ти спаса́емый: благослове́н еси́, Бо́же оте́ц на́ших.

Христе́ Иису́се, тьма́ми обеща́х Тебе́ стра́стный, о Иису́се мо́й, покая́ние, но солга́х, окая́нный. Те́мже, Иису́се мо́й, вопию́ Ти: нечу́вственне пребыва́ющую ду́шу мою́ просвети́, Христе́, отце́в Бо́же благослове́н еси́.

Богоро́дичен: Христа́ Иису́са ро́ждшая стра́нно и па́че естества́, Того́ моли́, Всенепоро́чная, я́же чрез естество́ моя́ прегреше́ния вся́ прости́ти ми́, Отрокови́це, да зову́, спаса́емь: благослове́нна еси́ Бо́га пло́тию ро́ждшая.

Ирмо́с: В пе́щь о́гненную ко отроко́м евре́йским снизше́дшаго и пла́мень в ро́су прело́жшаго Бо́га, по́йте дела́ я́ко Го́спода, и превозноси́те во вся́ ве́ки.

Тя́, Иису́се мо́й, молю́, я́коже блудни́цу, Иису́се мо́й, изба́вил еси́ мно́гих согреше́ний, та́ко и мене́, Иису́се, Христе́ мо́й, изба́ви, и очи́сти оскверне́нную ду́шу мою́, Иису́се мо́й.

Преклони́вся, Иису́се, безслове́сными сластьми́, безслове́сен яви́хся и ското́м вои́стинну, о Иису́се мо́й, стра́стно окая́нный уподо́бихся, Спа́се: те́мже, Иису́се, безслове́сия мя́ изба́ви.

Впа́д, о Иису́се, в душетле́нныя разбо́йники, обнажи́хся оде́жды, Иису́се мо́й, боготка́нныя ны́не и лежу́, ра́нами уя́звлен; еле́й, Христе́ мо́й, возле́й на мя́ и вино́.

Богоро́дичен: Иису́са моего́ и Бо́га носи́вшая Христа́ несказа́нно, Богоро́дице Мари́е, Того́ моли́ при́сно от бе́д спасти́ся рабо́м Твои́м и певце́м Твои́м, Неискусому́жная Де́во.

Ирмо́с: От Бо́га Бо́га Сло́ва, неизрече́нною му́дростию прише́дшаго обнови́ти Ада́ма, я́дию в тле́ние па́дшаго лю́те, от Святы́я Де́вы неизрече́нно воплоти́вшагося на́с ра́ди, ве́рнии, единому́дренно пе́сньми велича́ем.

Манасси́ю, Иису́се мо́й, мытаря́, блудни́цу, блу́днаго, Ще́дре Иису́се, и разбо́йника преидо́х, Иису́се мо́й, в де́лех сту́дных и безме́стных, Иису́се, но Ты́, Иису́се мо́й, предвари́в, мя́ спаси́.

От Ада́ма, Иису́се мо́й, согреши́вшия вся́ пре́жде зако́на и в зако́не, Иису́се, и по зако́не, окая́нный, и благода́ти, Иису́се мо́й, победи́х страстьми́ окая́нно; но Ты́, Иису́се мо́й, судьба́ми Твои́ми спаси́ мя.

Да не отлуче́н бу́ду, Иису́се мо́й, неизрече́нныя Твоея́ сла́вы, да не улучу́ ча́сти, Иису́се, шу́ия, Сладча́йший Иису́се, но Ты́ мя десны́м овца́м Твои́м, Христе́ Иису́се мо́й, сочета́в, упоко́й, я́ко Благоутро́бен.

Богоро́дичен: Иису́са, Богоро́дице, Его́же носи́ла еси́, Еди́на Неискусому́жная Де́во Мари́е, Того́, Чи́стая, уми́лостиви, я́ко Сы́на Твоего́ и Зижди́теля, изба́вити притека́ющия к Тебе́ искуше́ний, и бе́д, и огня́ бу́дущаго.

Иису́се, прему́дрости и смы́сла пода́телю, ни́щым корми́телю, си́рым засту́пниче, боля́щым врачу́, исцели́ и просвети́ мое́ се́рдце Иису́се, стру́пы грехо́вными и страсте́й тле́ю покрове́нное Иису́се, и спаси́ мя.

Богоро́дичен: Сия́нием Де́во из Тебе́ возсия́вшаго Све́та, у́м мо́й озари́, се́рдце просвети́, тьму́ грехо́вную отгоня́ющи, и мглу́ ле́ности моея́ потребля́ющи.

І҆рмо́съ: Во глꙋбинѣ̀ постла̀ и҆ногда̀ фараѡни́тское всево́инство преѡрꙋже́ннаѧ си́ла, вопло́щшеесѧ же сло́во всеѕло́бный грѣ́хъ потреби́ло є҆́сть: препросла́вленный гдⷭ҇ь, сла́внѡ бо просла́висѧ.

І҆и҃се сладча́йшїй хрⷭ҇тѐ, і҆и҃се долготерпѣли́ве, дꙋшѝ моеѧ̀ ꙗ҆́звы и҆сцѣлѝ і҆и҃се, и҆ ᲂу҆сладѝ се́рдце моѐ многомлⷭ҇тиве молю́сѧ, і҆и҃се сп҃се мо́й, да велича́ю тѧ̀ сп҃са́емый.

І҆и҃се сладча́йшїй хрⷭ҇тѐ, і҆и҃се ѿве́рзи покаѧ́нїѧ мѝ две́рь, чл҃вѣколю́бче і҆и҃се, и҆ прїими́ мѧ тебѣ̀ припа́дающа, и҆ те́плѣ просѧ́ща, і҆и҃се сп҃се мо́й, согрѣше́нїй проще́нїѧ.

І҆и҃се сладча́йшїй хрⷭ҇тѐ, і҆и҃се и҆схити́ мѧ и҆з̾ рꙋкѝ льсти́вагѡ велїа́ра, і҆и҃се, и҆ сотворѝ десна́го предстоѧ́телѧ сла́вы твоеѧ̀, і҆и҃се сп҃се мо́й, ча́сти шꙋ́їѧ мѧ̀ и҆збавлѧ́ѧй.

Бг҃оро́диченъ: І҆и҃са ро́ждшаѧ бг҃а, влⷣчце, молѝ ѡ҆ непотре́бныхъ рабѣ́хъ пречⷭ҇таѧ, ꙗ҆́кѡ да мꙋ́ки мл҃твами твои́ми и҆зба́вимсѧ нескве́рнаѧ, ѡ҆скверне́ннїи, сла́вы присносꙋ́щныѧ наслажда́ющесѧ.

І҆рмо́съ: На ка́мени мѧ̀ вѣ́ры ᲂу҆тверди́въ, разшири́лъ є҆сѝ ᲂу҆ста̀ моѧ̑ на врагѝ моѧ̑. возвесели́ бо сѧ дꙋ́хъ мо́й, внегда̀ пѣ́ти: нѣ́сть ст҃ъ ꙗ҆́коже бг҃ъ на́шъ, и҆ нѣ́сть првⷣнъ па́че тебѐ гдⷭ҇и.

Оу҆слы́ши чл҃вѣколю́бче і҆и҃се мо́й раба̀ твоего̀, вопїю́ща во ᲂу҆миле́нїи: и҆ и҆зба́ви мѧ̀ і҆и҃се ѡ҆сꙋжде́нїѧ и҆ мꙋ́ки, є҆ди́не долготерпѣли́ве, і҆и҃се сладча́йшїй многомлⷭ҇тиве.

Под̾имѝ раба̀ твоего̀ і҆и҃се мо́й, припа́дающа со слеза́ми, і҆и҃се мо́й, и҆ сп҃сѝ і҆и҃се мо́й ка́ющагосѧ мѧ̀, и҆ гее́нны влⷣко и҆зба́ви, і҆и҃се сладча́йшїй многомлⷭ҇тиве.

Вре́мѧ і҆и҃се мо́й, є҆́же да́лъ мѝ є҆сѝ во стра́сти и҆жди́хъ і҆и҃се мо́й. тѣ́мже і҆и҃се мо́й, не ѿве́ржи мѧ̀, но воззовѝ, молю́сѧ, влⷣко, і҆и҃се сладча́йшїй, и҆ сп҃сѝ.

Бг҃оро́диченъ: Дв҃о ро́ждшаѧ і҆и҃са моего̀, молѝ и҆зба́вити мѧ̀ гее́нны, є҆ди́но предста́тельство ѡ҆скорблѧ́емыхъ бг҃обл҃года́тнаѧ, и҆ сподо́би мѧ̀ жи́зни всенепоро́чнаѧ нестарѣ́ющїѧсѧ.

Сп҃се мо́й і҆и҃се, блꙋ́днаго сп҃сы́й, сп҃се мо́й і҆и҃се, прїе́мый блꙋдни́цꙋ и҆ менѐ ны́нѣ поми́лꙋй, і҆и҃се многомлⷭ҇тиве: сп҃сѝ, ᲂу҆ще́дри, ѽ і҆и҃се бл҃годѣ́телю, ꙗ҆́коже бл҃гоꙋтро́бне манассі́ю і҆и҃се мо́й, ꙗ҆́кѡ є҆ди́нъ чл҃вѣколю́бецъ.

І҆рмо́съ: Прише́лъ є҆сѝ ѿ дв҃ы, не хода́тай, ни а҆́гг҃лъ, но са́мъ гдⷭ҇и вопло́щьсѧ, и҆ сп҃слъ є҆сѝ всего́ мѧ человѣ́ка. тѣ́мъ зовꙋ́ ти: сла́ва си́лѣ твое́й гдⷭ҇и.

И҆сцѣлѝ і҆и҃се мо́й дꙋшѝ моеѧ̀ ꙗ҆́звы, і҆и҃се мо́й молю́сѧ, и҆ рꙋки́ мѧ и҆схитѝ, і҆и҃се мо́й бл҃гоꙋтро́бне, дꙋшетлѣ́ннагѡ велїа́ра, и҆ сп҃сѝ.

Согрѣши́хъ, і҆и҃се мо́й сладча́йшїй бл҃гоꙋтро́бне: і҆и҃се мо́й, сп҃си́ мѧ прибѣга́ющаго къ покро́вꙋ твоемꙋ̀, і҆и҃се долготерпѣли́ве, и҆ црⷭ҇твїѧ твоегѡ́ мѧ сподо́би.

Никто́же согрѣшѝ і҆и҃се мо́й, ꙗ҆́коже согрѣши́хъ а҆́зъ ѻ҆каѧ́нный: но припа́даю молѧ́сѧ, і҆и҃се мо́й сп҃си́ мѧ, и҆ жи́зни і҆и҃се мо́й наслѣ́дїе мѝ да́рꙋй.

Бг҃оро́диченъ: Всепѣ́таѧ, і҆и҃са ро́ждшаѧ гдⷭ҇а, того̀ молѝ и҆зба́вити мꙋ́ки всѧ̑ пою́щыѧ тѧ̀ и҆ бцⷣꙋ вои́стиннꙋ и҆менꙋ́ющыѧ.

І҆рмо́съ: Просвѣще́нїе во тьмѣ̀ лежа́щихъ, сп҃се́нїе ѿча́ѧнныхъ хрⷭ҇тѐ сп҃се мо́й, къ тебѣ̀ ᲂу҆́тренюю цр҃ю̀ ми́ра, просвѣти́ мѧ сїѧ́нїемъ твои́мъ: и҆но́гѡ бо ра́звѣ тебѐ бг҃а не зна́ю.

Ты̀ просвѣще́нїе і҆и҃се мо́й ᲂу҆ма̀ моегѡ̀. ты̀ сп҃се́нїе ѿча́ѧнныѧ дꙋшѝ моеѧ̀ сп҃се. ты̀ і҆и҃се мо́й мꙋ́ки и҆зба́ви и҆ гее́нны мѧ̀ зовꙋ́ща: сп҃сѝ і҆и҃се мо́й хрⷭ҇тѐ мѧ̀ ѻ҆каѧ́ннаго.

Всеконе́чнѡ і҆и҃се мо́й, къ стра́сти безче́стїѧ низве́рженъ ны́нѣ зовꙋ̀: ты̀ і҆и҃се мо́й, по́мощи мѝ рꙋ́кꙋ низпосла́въ, и҆сто́ргни зовꙋ́ща: сп҃сѝ і҆и҃се мо́й хрⷭ҇те́ мѧ ѻ҆каѧ́ннаго.

Ѡ҆скверне́нъ ᲂу҆́мъ і҆и҃се мо́й ѡ҆бносѧ̀, взыва́ю тѝ: ѡ҆чи́сти мѧ̀ ѿ скве́рны прегрѣше́нїй, и҆ и҆зба́ви мѧ̀ во глꙋбины̑ ѕло́бы ѿ невѣ́дѣнїѧ низпопо́лзшагосѧ, сп҃се і҆и҃се мо́й, и҆ сп҃си́ мѧ, молю́сѧ.

Бг҃оро́диченъ: І҆и҃са ро́ждшаѧ ѻ҆трокови́це бг҃ороди́тельнице, того̀ ᲂу҆молѝ сп҃стѝ всѧ̑ правосла̑вныѧ, мона́хи и҆ мїрскі̑ѧ, и҆ гее́нны и҆зба́вити зовꙋ́щыѧ: ра́звѣ тебѐ предста́тельства тве́рдагѡ не зна́емъ.

І҆рмо́съ: Въ бе́зднѣ грѣхо́внѣй валѧ́ѧсѧ, неизслѣ́днꙋю млⷭ҇рдїѧ твоегѡ̀ призыва́ю бе́зднꙋ: ѿ тлѝ бж҃е мѧ̀ возведѝ.

І҆и҃се мо́й хрⷭ҇тѐ многомлⷭ҇тиве, и҆сповѣ́дающасѧ прїими́ мѧ влⷣко, ѽ і҆и҃се, и҆ сп҃си́ мѧ, и҆ ѿ тлѝ і҆и҃се, мѧ̀ и҆схитѝ.

І҆и҃се мо́й, никто́же бы́сть и҆́нъ блꙋдни́къ, ꙗ҆́коже а҆́зъ стра́стный, ѽ і҆и҃се чл҃вѣколю́бче: но ты̀ і҆и҃се мѧ̀ сп҃сѝ.

І҆и҃се мо́й, блꙋдни́цꙋ и҆ блꙋ́днаго, и҆ манассі́ю и҆ мытарѧ̀ преидо́хъ, ѽ і҆и҃се мо́й, страстьмѝ, и҆ разбо́йника і҆и҃се, и҆ нїнеѵі́тѧны.

Бг҃оро́диченъ: І҆и҃са хрⷭ҇та̀ моего̀ ро́ждшаѧ пречⷭ҇таѧ дв҃о, є҆ди́на нескве́рнаѧ, ѡ҆скверне́на сꙋ́ща мѧ̀, мл҃твъ твои́хъ ѵ҆ссѡ́помъ ны́нѣ ѡ҆чи́сти.

Возбра́нный воево́до и҆ гдⷭ҇и, а҆́да побѣди́телю, ꙗ҆́кѡ и҆зба́вльсѧ ѿ вѣ́чныѧ сме́рти, похва̑льнаѧ, восписꙋ́ю тѝ, созда́нїе и҆ ра́бъ тво́й: но ꙗ҆́кѡ и҆мѣ́ѧй млⷭ҇рдїе неизрече́нное, ѿ всѧ́кихъ мѧ̀ бѣ́дъ свободѝ, зовꙋ́ща: і҆и҃се сн҃е бж҃їй, поми́лꙋй мѧ̀.

І҆́косъ а҃: А҆́гг҃лѡвъ тво́рче, и҆ гдⷭ҇и си́лъ, ѿве́рзи мѝ недоꙋмѣ́нный ᲂу҆́мъ и҆ ѧ҆зы́къ, на похвалꙋ̀ пречⷭ҇тагѡ твоегѡ̀ и҆́мене, ꙗ҆́коже глꙋхо́мꙋ и҆ гꙋгни́вомꙋ дре́вле слꙋ́хъ и҆ ѧ҆зы́къ ѿве́рзлъ є҆сѝ, и҆ глаго́лаше зовы́й такова̑ѧ: І҆и҃се пречꙋ́дный, а҆́гг҃лѡвъ ᲂу҆дивле́нїе: і҆и҃се преси́льный, прароди́телей и҆збавле́нїе. І҆и҃се пресла́дкїй, патрїа́рхѡвъ велича́нїе: і҆и҃се пресла́вный, царе́й ᲂу҆крѣпле́нїе. І҆и҃се прелюби́мый, прⷪ҇ро́кѡвъ и҆сполне́нїе: і҆и҃се преди́вный, мч҃нкѡвъ крѣ́посте. І҆и҃се прети́хїй, мона́хѡвъ ра́досте: і҆и҃се премлⷭ҇тивый, пресвѵ́терѡвъ сла́досте. І҆и҃се премлⷭ҇рдый, по́стникѡвъ воздержа́нїе: і҆и҃се пресла́достный, прпⷣбныхъ ра́дованїе. І҆и҃се пречⷭ҇тны́й, дѣ́вственныхъ цѣломꙋ́дрїе: і҆и҃се предвѣ́чный, грѣ́шникѡвъ сп҃се́нїе. І҆и҃се сн҃е бж҃їй, поми́лꙋй мѧ̀.

І҆рмо́съ: Ѡ҆́бразꙋ злато́мꙋ на по́лѣ деи́рѣ слꙋжи́мꙋ, трїѐ твоѝ ѻ҆́троцы небрего́ша безбо́жнагѡ велѣ́нїѧ: посредѣ́ же ѻ҆гнѧ̀ вве́ржени, ѡ҆роша́еми поѧ́хꙋ: бл҃гослове́нъ є҆сѝ бж҃е ѻ҆тє́цъ на́шихъ.

Хрⷭ҇тѐ і҆и҃се, никто́же согрѣшѝ на землѝ ѿ вѣ́ка, ѽ і҆и҃се мо́й, ꙗ҆́коже согрѣши́хъ а҆́зъ ѻ҆каѧ́нный и҆ блꙋ́дный. тѣ́мже і҆и҃се мо́й, вопїю́ ти: пою́ща мѧ̀ ᲂу҆ще́дри, бл҃гослове́нъ є҆сѝ бж҃е ѻ҆тє́цъ на́шихъ.

Хрⷭ҇тѐ і҆и҃се, ко стра́хꙋ твоемꙋ̀ вопїю̀, пригвозди́ мѧ, ѽ і҆и҃се мо́й, и҆ ѡ҆кормѝ ны́нѣ ко приста́нищꙋ бл҃гоѡти́шномꙋ, ꙗ҆́кѡ да, і҆и҃се мо́й ще́дре, пою́ ти сп҃са́емый: бл҃гослове́нъ є҆сѝ бж҃е ѻ҆тє́цъ на́шихъ.

Хрⷭ҇тѐ і҆и҃се, тьма́ми ѡ҆бѣща́хъ тебѣ̀ стра́стный, ѽ і҆и҃се мо́й, покаѧ́нїе, но солга́хъ ѻ҆каѧ́нный. тѣ́мже і҆и҃се мо́й вопїю́ ти: нечꙋ́вственнѣ пребыва́ющꙋю дꙋ́шꙋ мою̀ просвѣтѝ хрⷭ҇тѐ, ѻ҆тцє́въ бж҃е бл҃гослове́нъ є҆сѝ.

Бг҃оро́диченъ: Хрⷭ҇та̀ і҆и҃са ро́ждшаѧ стра́ннѡ, и҆ па́че є҆стества̀, того̀ молѝ всенепоро́чнаѧ, ꙗ҆̀же чрез̾ є҆стество̀ моѧ̑ прегрѣшє́нїѧ всѧ̑ прости́ти мѝ ѻ҆трокови́це, да зовꙋ̀ сп҃са́емь: бл҃гослове́нна є҆сѝ бг҃а пло́тїю ро́ждшаѧ.

І҆рмо́съ: Въ пе́щь ѻ҆́гненнꙋю ко ѻ҆трокѡ́мъ є҆врє́йскимъ снизше́дшаго, и҆ пла́мень въ ро́сꙋ прело́жшаго бг҃а, по́йте дѣла̀ ꙗ҆́кѡ гдⷭ҇а, и҆ превозноси́те во всѧ̑ вѣ́ки.

Тѧ̀ і҆и҃се мо́й молю̀, ꙗ҆́коже блꙋдни́цꙋ і҆и҃се мо́й и҆зба́вилъ є҆сѝ мно́гихъ согрѣше́нїй: та́кѡ и҆ менѐ і҆и҃се хрⷭ҇тѐ мо́й и҆зба́ви, и҆ ѡ҆чи́сти ѡ҆скверне́ннꙋю дꙋ́шꙋ мою̀, і҆и҃се мо́й.

Преклони́всѧ і҆и҃се, безслове́сными сластьмѝ, безслове́сенъ ꙗ҆ви́хсѧ, и҆ скотѡ́мъ вои́стиннꙋ, ѽ і҆и҃се мо́й, стра́стнѡ ѻ҆каѧ́нный ᲂу҆подо́бихсѧ сп҃се. тѣ́мже і҆и҃се безслове́сїѧ мѧ̀ и҆зба́ви.

Впа́дъ, ѽ і҆и҃се, въ дꙋшетлѣ̑нныѧ разбо́йники, ѡ҆бнажи́хсѧ ѻ҆де́жды, і҆и҃се мо́й, бг҃отка́нныѧ ны́нѣ, и҆ лежꙋ̀ ра́нами ᲂу҆ѧ́звленъ: є҆ле́й, хрⷭ҇тѐ мо́й, возле́й на мѧ̀ и҆ вїно̀.

Бг҃оро́диченъ: І҆и҃са моего̀ и҆ бг҃а носи́вшаѧ хрⷭ҇та̀ несказа́ннѡ, бцⷣе мр҃і́е, того̀ молѝ при́снѡ ѿ бѣ́дъ сп҃сти́сѧ рабѡ́мъ твои̑мъ, и҆ пѣвцє́мъ твои̑мъ, неискꙋсомꙋ́жнаѧ дв҃о.

І҆рмо́съ: Ѿ бг҃а бг҃а сло́ва, неизрече́нною мꙋ́дростїю, прише́дшаго ѡ҆бнови́ти а҆да́ма, ꙗ҆́дїю въ тлѣ́нїе па́дшаго лю́тѣ, ѿ ст҃ы́ѧ дв҃ы неизрече́ннѡ воплоти́вшагосѧ на́съ ра́ди, вѣ́рнїи є҆диномꙋ́дреннѡ пѣ́сньми велича́емъ.

Манассі́ю і҆и҃се мо́й, мытарѧ̀, блꙋдни́цꙋ, блꙋ́днаго ще́дре і҆и҃се, и҆ разбо́йника преидо́хъ і҆и҃се мо́й, въ дѣ́лѣхъ стꙋ́дныхъ и҆ безмѣ́стныхъ і҆и҃се: но ты̀ і҆и҃се мо́й, предвари́въ мѧ̀ сп҃сѝ.

Ѿ а҆да́ма і҆и҃се мо́й согрѣши́вшыѧ всѧ̑, пре́жде зако́на и҆ въ зако́нѣ і҆и҃се, и҆ по зако́нѣ ѻ҆каѧ́нный, и҆ бл҃года́ти, і҆и҃се мо́й, побѣди́хъ страстьмѝ ѻ҆каѧ́ннѡ: но ты̀ і҆и҃се мо́й, сꙋдьба́ми твои́ми сп҃си́ мѧ.

Да не ѿлꙋче́нъ бꙋ́дꙋ і҆и҃се мо́й неизрече́нныѧ твоеѧ̀ сла́вы, да не ᲂу҆лꙋчꙋ̀ ча́сти і҆и҃се шꙋ́їѧ, сладча́йшїй і҆и҃се: но ты́ мѧ дєсны́мъ ѻ҆вца́мъ твои̑мъ, хрⷭ҇тѐ і҆и҃се мо́й, сочета́въ ᲂу҆поко́й, ꙗ҆́кѡ бл҃гоꙋтро́бенъ.

Бг҃оро́диченъ: І҆и҃са бцⷣе, є҆го́же носи́ла є҆сѝ, є҆ди́на неискꙋсомꙋ́жнаѧ дв҃о мр҃і́е, того̀ чⷭ҇таѧ ᲂу҆ми́лостиви, ꙗ҆́кѡ сн҃а твоего̀ и҆ зижди́телѧ, и҆зба́вити притека́ющыѧ къ тебѣ̀ и҆скꙋше́нїй и҆ бѣ́дъ, и҆ ѻ҆гнѧ̀ бꙋ́дꙋщагѡ.

І҆и҃се, премꙋ́дрости и҆ смы́сла пода́телю, ни́щымъ корми́телю, си̑рымъ застꙋ́пниче, болѧ́щымъ врачꙋ̀, и҆сцѣлѝ и҆ просвѣтѝ моѐ се́рдце і҆и҃се, стрꙋ́пы грѣхо́вными и҆ страсте́й тле́ю покрове́нное і҆и҃се, и҆ сп҃си́ мѧ.

Бг҃оро́диченъ: Сїѧ́нїемъ дв҃о и҆з̾ тебѐ возсїѧ́вшагѡ свѣ́та, ᲂу҆́мъ мо́й ѡ҆зарѝ, се́рдце просвѣтѝ, тьмꙋ̀ грѣхо́внꙋю ѿгонѧ́ющи, и҆ мглꙋ̀ лѣ́ности моеѧ̀ потреблѧ́ющи.

Перенесение из Едессы в Константинополь Нерукотворного Образа Господа нашего Иисуса Христа было в 944 г. Предание свидетельствует, что во времена проповеди Спасителя в сирийском городе Едессе правил Авгарь. Он был поражен по всему телу проказой. Слух о великих чудесах, творимых Господом, распространился по Сирии (Мф.4:24) и дошел до Авгаря. Не видя Спасителя, Авгарь уверовал в Него как в Сына Божия и написал письмо с просьбой прийти и исцелить его. С этим письмом он послал в Палестину своего живописца Ананию, поручив ему написать изображение Божественного Учителя. Анания пришел в Иерусалим и увидел Господа, окруженного народом. Он не мог подойти к Нему из-за большого стечения людей, слушавших проповедь Спасителя. Тогда он стал на высоком камне и попытался издали написать образ Господа Иисуса Христа, но это ему никак не удавалось. Спаситель Сам подозвал его, назвал по имени и передал для Авгаря краткое письмо, в котором, ублажив веру правителя, обещал прислать Своего ученика для исцеления от проказы и наставления ко спасению. Потом Господь попросил принести воду и убрус (холст, полотенце). Он умыл лицо, отер его убрусом, и на нем отпечатлелся Его Божественный Лик. Убрус и письмо Спасителя Анания принес в Едессу. С благоговением принял Авгарь святыню и получил исцеление; лишь малая часть следов страшной болезни оставалась на его лице до прихода обещанного Господом ученика. Им был апостол от 70-ти святой Фаддей (память 21 августа), который проповедал Евангелие и крестил уверовавшего Авгаря и всех жителей Едессы. Написав на Нерукотворном Образе слова «Христе Боже, всякий, уповая на Тебя, не постыдится», Авгарь украсил его и установил в нише над городскими воротами. Много лет жители хранили благочестивый обычай поклоняться Нерукотворному Образу, когда проходили через ворота. Но один из правнуков Авгаря, правивший Едессой, впал в идолопоклонство. Он решил снять Образ с городской стены. Господь повелел в видении Едесскому епископу скрыть Его изображение. Епископ, придя ночью со своим клиром, зажег перед ним лампаду и заложил глиняной доской и кирпичами. Прошло много лет, и жители забыли о святыне. Но вот, когда в 545 г. персидский царь Хозрой I осадил Едессу и положение города казалось безнадежным, епископу Евлавию явилась Пресвятая Богородица и повелела достать из замурованной ниши Образ, который спасет город от неприятеля. Разобрав нишу, епископ обрел Нерукотворный Образ: перед ним горела лампада, а на глиняной доске, закрывавшей нишу, было подобное же изображение. После совершения крестного хода с Нерукотворным Образом по стенам города персидское войско отступило. В 630 году Едессой овладели арабы, но они не препятствовали поклонению Нерукотворному Образу, слава о котором распространилась по всему Востоку. В 944 году император Константин Багрянородный (912–959) пожелал перенести Образ в тогдашнюю столицу Православия и выкупил его у эмира – правителя города. С великими почестями Нерукотворный Образ Спасителя и то письмо, которое Он написал Авгарю, были перенесены духовенством в Константинополь. 16 августа Образ Спасителя был поставлен в Фаросской церкви Пресвятой Богородицы. О последующей судьбе Нерукотворного Образа существует несколько преданий. По одному – его похитили крестоносцы во времена их владычества в Константинополе (1204–1261), но корабль, на который была взята святыня, потонул в Мраморном море. По другим преданиям, Нерукотворный Образ был передан около 1362 года в Геную, где хранится в монастыре в честь апостола Варфоломея. Известно, что Нерукотворный Образ неоднократно давал с себя точные отпечатки. Один из них, т. н. «на керамии», отпечатался, когда Анания прятал образ у стены по пути в Едессу; другой, отпечатавшись на плаще, попал в Грузию. Возможно, что разность преданий о первоначальном Нерукотворном Образе основывается на существовании нескольких точных отпечатков.

Во времена иконоборческой ереси защитники иконопочитания, проливая кровь за святые иконы, пели тропарь Нерукотворному Образу. В доказательство истинности иконопочитания папа Григорий II (715–731) прислал письмо к восточному императору, в котором указывал на исцеление царя Авгаря и пребывание Нерукотворного Образа в Едессе как на общеизвестный факт. Нерукотворный Образ помещался на знаменах русских войск, ограждая их от врагов. В Русской Православной Церкви есть благочестивый обычай при входе верующего в храм читать вместе с другими молитвами тропарь Нерукотворному Образу Спасителя.

По Прологам известны 4 Нерукотворных Образа Спасителя: 1) в Едессе, царя Авгаря – 16 августа; 2) Камулианский; обретение его описал святитель Григорий Нисский (память 10 января); по сказанию преподобного Никодима Святогорца († 1809; память 1 июля), Камулианский образ явился в 392 году, но он имел в виду образ Матери Божией – 9 августа; 3) при императоре Тиверии (578–582), от которого получила исцеление святая Мария синклитикия (память 11 августа); 4) на керамии – 16 августа.

Празднество в честь перенесения Нерукотворного Образа, совершаемое в попразднство Успения, называют третьим Спасом, «Спасом на холсте». Особое почитание этого праздника в Русской Православной Церкви выразилось и в иконописании; икона Нерукотворного Образа одна из наиболее распространенных.

Видео:Канон дня. Канон Сладчайшему Господу нашему Иисусу ХристуСкачать

Канон Иисусу Сладчайшему

Глас 2. Песнь 1:
Ирмос: Во глубине постла иногда / фараонитское всевоинство преоруженная сила, / воплощшееся же Слово всезлобный грех потребило есть: / препрославленный Господь, / славно бо прославися.
Иисусе Сладчайший, спаси мя.
Иисусе Сладчайший Христе, / Иисусе долготерпеливе, / души моея язвы исцели, Иисусе, / и услади сердце мое, Многомилостиве, / молюся, Иисусе Спасе мой, / да величаю Тя, спасаемый
Иисусе Сладчайший, спаси мя.
Иисусе Сладчайший Христе, / Иисусе, отверзи покаяния ми дверь, / человеколюбче Иисусе, и приими мя, / Тебе припадающа и тепле просяща, / Иисусе Спасе мой, согрешений прощения.
Слава: Иисусе Сладчайший Христе, / Иисусе, исхити мя / из руки льстиваго велиара, Иисусе, / и сотвори деснаго предстоятеля славы Твоея, / Иисусе Спасе мой, / части шуия мя избавляяй.
И ныне, Богородичен: Иисуса рождшая Бога, Владычице, / моли о непотребных рабех, Пречистая, / яко да муки молитвами Твоими избавимся, Нескверная, оскверненнии, / славы присносущныя наслаждающеся.
Песнь 3:
Ирмос: На камени мя веры утвердив, / разширил еси уста моя на враги моя. / Возвесели бо ся дух мой, внегда пети: / несть свят, якоже Бог наш, / и несть праведен паче Тебе, Господи.
Иисусе Сладчайший, спаси мя.
Услыши, человеколюбче Иисусе мой, раба Твоего, / вопиюща во умилении, / и избави мя, Иисусе, осуждения и муки, / едине долготерпеливе, / Иисусе Сладчайший многомилостиве.
Иисусе Сладчайший, спаси мя.
Подыми раба Твоего, Иисусе мой, / припадающа со слезами, Иисусе мой, / и спаси, Иисусе мой, кающагося мя / и геенны, Владыко, избави, / Иисусе Сладчайший многомилостиве.
Слава: Время, Иисусе мой, еже дал ми еси, / во страсти иждих, Иисусе мой. / Темже, Иисусе мой, не отвержи мя, / но воззови, молюся, / Владыко Иисусе Сладчайший, и спаси.
И ныне, Богородичен: Дево, рождшая Иисуса моего, / моли избавити мя геенны, / едино предстательство оскорбляемых, Богоблагодатная, / и сподоби мя жизни, Всенепорочная, нестареющияся.
Седален, глас 1. Подобен: Гроб Твой:
Спасе мой Иисусе, блуднаго спасый, / Спасе мой Иисусе, приемый блудницу, / и мене ныне помилуй, Иисусе многомилостиве, / спаси, ущедри, о Иисусе благодетелю, / якоже, Благоутробне, Манассию, / Иисусе мой, яко Един Человеколюбец.
Песнь 4:
Ирмос: Пришел еси от Девы, не ходатай, ни Ангел, / но Сам, Господи, воплощся, / и спасл еси всего мя человека. / Тем зову Ти: / слава силе Твоей, Господи.
Иисусе Сладчайший, спаси мя.
Исцели, Иисусе мой, души моея язвы, / Иисусе мой, молюся, / и руки мя исхити, Иисусе мой благоутробне, / душетленнаго велиара, и спаси.
Иисусе Сладчайший, спаси мя.
Согреших, Иисусе мой Сладчайший, благоутробне; / Иисусе мой, спаси мя, прибегающаго к покрову Твоему, / Иисусе долготерпеливе, / и Царствия Твоего мя сподоби.
Слава: Никтоже согреши, Иисусе мой, якоже согреших аз, окаянный, / но припадаю моляся, Иисусе мой, спаси мя / и жизни, Иисусе мой, наследие ми даруй.
И ныне, Богородичен: Всепетая, Иисуса рождшая Господа, / Того моли избавити муки вся, поющия Тя, / и Богородицу воистинну именующия.
Песнь 5:
Ирмос: Просвещение во тме лежащих, / спасение отчаянных, Христе Спасе мой, / к Тебе утренюю, Царю мира, / просвети мя сиянием Твоим: / иного бо разве Тебе бога не знаю.
Иисусе Сладчайший, спаси мя.
Ты просвещение, Иисусе мой, ума моего, / Ты спасение отчаянныя души моея, Спасе, / Ты, Иисусе мой, муки избави и геенны мя, зовуща: / спаси, Иисусе мой Христе, мя окаяннаго.
Иисусе Сладчайший, спаси мя.
Всеконечно, Иисусе мой, ко страсти безчестия низвержен ныне зову: / Ты, Иисусе мой, помощи ми руку низпослав, / исторгни зовуща: / спаси, Иисусе мой Христе, мя окаяннаго.
Слава: Осквернен ум, Иисусе мой, обнося, взываю Ти: / очисти мя от скверны прегрешений / и избави мя во глубины злобы от неведения низпоползшагося, / Спасе Иисусе мой, / и спаси мя, молюся.
И ныне, Богородичен: Иисуса рождшая, Отроковице Богородительнице, / Того умоли спасти вся православныя, монахи и мирския, / и геенны избавити зовущия: / разве Тебе предстательства твердаго не знаем.
Песнь 6:
Ирмос: В бездне греховней валяяся, / неизследную милосердия Твоего призываю бездну: / от тли, Боже, мя возведи.
Иисусе Сладчайший, спаси мя.
Иисусе мой Христе многомилостиве, / исповедающася приими мя, Владыко, / о Иисусе, и спаси мя, / и от тли, Иисусе, мя исхити.
Иисусе Сладчайший, спаси мя.
Иисусе мой, никтоже бысть ин блудник, якоже аз, страстный, / о Иисусе человеколюбче: / но Ты, Иисусе, мя спаси.
Слава: Иисусе мой, блудницу и блуднаго, / и Манассию и мытаря преидох, о Иисусе мой, страстьми, / и разбойника, Иисусе, и ниневитяны.
И ныне, Богородичен: Иисуса Христа моего рождшая, Пречистая Дево, / едина нескверная, / осквернена суща мя молитв Твоих иссопом ныне очисти.
Песнь 7:
Ирмос: Образу златому на поле Деире служиму, / трие Твои отроцы небрегоша безбожнаго веления, / посреде же огня ввержени, орошаеми пояху: / благословен еси, Боже отец наших.
Иисусе Сладчайший, спаси мя.
Христе Иисусе, / никтоже согреши на земли от века, о Иисусе мой, / якоже согреших аз, окаянный и блудный. / Темже, Иисусе мой, вопию Ти: / поюща мя ущедри, / благословен еси, Боже отец наших.
Иисусе Сладчайший, спаси мя.
Христе Иисусе, / ко страху Твоему, вопию, пригвозди мя, о Иисусе мой, / и окорми ныне ко пристанищу благоотишному, / яко да, Иисусе мой щедре, пою Ти спасаемый: / благословен еси, Боже отец наших.
Слава: Христе Иисусе, / тмами обещах Тебе, страстный, о Иисусе мой, покаяние, / но солгах окаянный. / Темже, Иисусе мой, вопию Ти: / нечувственне пребывающую душу мою просвети, Христе, / отцев Боже благословен еси.
И ныне, Богородичен: Христа Иисуса рождшая странно и паче естества, / Того моли, Всенепорочная, / яже чрез естество моя прегрешения вся простити ми, Отроковице, / да зову спасаемь: / благословена еси, Бога плотию рождшая.
Песнь 8:
Ирмос: В пещь огненную ко отроком еврейским снизшедшаго / и пламень в росу преложшаго Бога, / пойте, дела, яко Господа, / и превозносите во вся веки.
Иисусе Сладчайший, спаси мя.
Тя, Иисусе мой, молю: / якоже блудницу, Иисусе мой, / избавил еси многих согрешений, / тако и мене, Иисусе Христе мой, избави, / и очисти оскверненную душу мою, Иисусе мой.
Иисусе Сладчайший, спаси мя.
Преклонився, Иисусе, безсловесными сластьми, / безсловесен явихся и скотом воистинну, Иисусе мой, / страстно окаянный уподобихся; / темже, Иисусе, безсловесия мя избави.
Слава: Впад, о Иисусе, в душетленныя разбойники, / обнажихся одежды, Иисусе мой, боготканныя ныне, / и лежу ранами уязвен; / елей, Христе мой, возлей на мя и вино.
И ныне, Богородичен: Иисуса моего и Бога носившая Христа несказанно, / Богородице Марие, / Того моли присно от бед спастися рабом Твоим, и певцем Твоим, / Неискусомужная Дево.
Песнь 9:
Ирмос: От Бога Бога Слова, / неизреченною мудростию пришедшаго обновити Адама, / ядию в тление падшаго люте, / от Святыя Девы неизреченно воплотившагося нас ради, / вернии единомудренно песньми величаем.
Иисусе Сладчайший, спаси мя.
Манассию, Иисусе мой, / мытаря, блудницу, блуднаго, щедре Иисусе, / и разбойника преидох, Иисусе мой, / в делех студных и безместных, Иисусе; / но Ты, Иисусе мой, предварив, мя спаси.
Иисусе Сладчайший, спаси мя.
От Адама, Иисусе мой, согрешившия вся, / прежде закона и в законе, Иисусе, / и по законе, окаянный, и благодати, Иисусе мой, / победих страстьми окаянно; / но Ты, Иисусе мой, / судьбами Твоими спаси мя.
Слава: Да не отлучен буду, Иисусе мой, неизреченныя Твоея славы, / да не улучу части, Иисусе, шуия, Сладчайший Иисусе; / но Ты мя десным овцам Твоим, / Христе Иисусе мой, сочетав / упокой, яко благоутробен.
И ныне, Богородичен: Иисуса, Богородице, Егоже носила еси, / едина неискусомужная Дево Марие, / Того, Чистая, умилостиви, / яко Сына Твоего и Зиждителя, / избавити притекающия к Тебе / искушений и бед, и огня будущаго.
Светилен:
Иисусе, премудрости и смысла Подателю, / нищим Кормителю, сирым Заступниче, болящим Врачу, / исцели и просвети мое сердце, Иисусе, / струпы греховными и страстей тлею покровенное, / Иисусе, и спаси мя.
Богородичен: Сиянием, Дево, из Тебе возсиявшаго Света, / ум мой озари, сердце просвети, / тьму греховную отгоняющи, / и мглу лености моея потребляющи.
Молитва ко Господу нашему Иисусу Христу:
Владыко Господи Иисусе Христе Боже наш, Иже неизреченнаго ради Твоего человеколюбия на конец веков в плоть оболкийся от Приснодевы Марии, славим о нас Твое спасительное промышление раби Твои, Владыко; песнословим Тя, яко Тебе ради Отца познахом; благословим Тя, Егоже ради и Дух Святый в мир прииде, поклоняемся Твоей по плоти Пречистей Матери, таковей страшней тайне послужившей; восхваляем Твоя Ангельская ликостояния, яко воспеватели и служители Твоего величествия; ублажаем Предтечу Иоанна, Тебе крестившаго, Господи; почитаем и провозвестившия Тя пророки, прославляем апостолы Твоя святыя; торжествуем же и мученики, священники же Твоя славим; покланяемся преподобным Твоим, и вся Твоя праведники пестунствуем. Таковаго и толикаго многаго и неизреченнаго лика Божественнаго в молитву приводим Тебе, всещедрому Богу, раби Твои, и сего ради просим нашим согрешением прощение, еже даруй нам всех Твоих ради святых, изряднее же святых Твоих щедрот, яко благословен еси во веки. Аминь.
Молитва иная:
Тебе, Господи, единому Благому и Непамятозлобному, исповедаю грехи моя, Тебе припадаю вопия, недостойный: согреших, Господи, согреших и несмь достоин воззрети на высоту небесную от множества неправд моих. Но, Господи мой, Господи, даруй ми слезы умиления, единый Блаже и Милостивый, яко да ими Тя умолю, очиститися прежде конца от всякаго греха: страшно бо и грозно место имам проити, тела разлучився, и множество мя мрачное и безчеловечное демонов срящет, и никтоже в помощь спутствуяй или избавляяй. Тем припадаю Твоей благости, не предаждь обидящым мя, ниже да похвалятся о мне врази мои, Благий Господи, ниже да рекут: в руки наша пришел еси, и нам предан еси. Ни, Господи, не забуди щедрот Твоих и не воздаждь ми по беззаконием моим, и не отврати лица Твоего от мене: но Ты, Господи, накажи мя, обаче милостию и щедротами. Враг же мой да не возрадуется о мне, но угаси eго на мя прещения и все упраздни eго действо, и даждь ми к Тебе путь неукорный, Благий Господи: занеже и согрешив, не прибегох ко иному врачу, и не прострох руки моея к богу чуждему, не отрини убо моления моего, но услыши мя Твоею благостию и утверди мое сердце страхом Твоим, и да будет благодать Твоя на мне, Господи, яко огнь попаляяй нечистыя во мне помыслы. Ты бо еси, Господи, свет, паче всякаго света; радость, паче всякия радости; упокоение, паче всякаго упокоения; жизнь истинная и спасение, пребывающее во веки веков, аминь.

МОЛИТВА ПО СОГЛАШЕНИЮ
Молитва по соглашению

†Господи Иисусе Христе, Сыне Божий, Ты бо рекл еси пречистыми усты Твоими: Аминь глаголю вам, яко аще два от вас совещается на земли от всяцей вещи, еяже аще просита, будет има от Отца Моего, Иже на небесех: идеже бо еста два или трие собрани во имя Мое, ту есмь посреде их. Неприложны словеса Твоя, Господи, милосердие Твое безприкладно и человеколюбию Твоему несть конца. Сего ради молим Тя: даруй нам, рабам Твоим (имена), согласившимся просить Тя (просьба), исполнения нашего прошения. Но обаче не якоже мы хотим, но якоже Ты. Да будет во веки воля Твоя. Аминь.

«Истинно также говорю вам, что если двое из вас согласятся на земле просить о всяком деле, то чего бы ни попросили, будет им от Отца Моего Небесного, ибо где двое или трое собраны во имя Моё, там Я посреди них» (Мф. 18, 19-20).
На основе этого указания в Православной Церкви практикуется так называемая «молитва по соглашению», когда при каком-либо тяжёлом положении: болезни, несчастье, бедствии и т. п. — двое или более христиан соглашаются вместе усиленно молиться за избавление кого-либо от постигшей его беды.
Такой молитвой пользовались отец Иоанн Кронштадтский и один из московских пастырей о. Константин Ровинский. По словам последнего, ему приходилось быть свидетелем многочисленных и чудесных случаев действенности такой молитвы: выздоравливали больные, приговорённые врачами к смерти; возвращались потерянное зрение, способность ходить; прекращались упорные приступы ненависти и т. п.
При молитве по соглашению отец Константин Ровинский читал четыре раза в день нижеприведённую молитву (утром, днём, вечером и ночью), которую также читали и те лица, с кем он соглашался молиться до тех пор, пока не наступало, по милости Господней, исполнения просимого в молитве.
Господи Боже наш, Иисусе Христе, Пречистыми Твоими устами Ты сказал нам: «Если двое из вас согласятся на земле просить о всяком деле, то чего бы ни попросили, будет вам от Отца Моего Небесного». С глубокой верой в непреложность слов Твоих и безмерное милосердие Твое просим Тебя — услышать рабов Твоих ( назвать имена просящих), согласившихся смиренно просить Тебя о бедствующем ( болящем, заблудшем и тому подобное) рабе Твоем ( имя) — да подаждь ему. ( изложить просьбу). Однако не как мы хотим, а как Ты, Господи; да будет на всё воля Твоя святая. Аминь.
Молитва читается ежедневно (например в 21.00 по Московскому времени).
Молитва по соглашению
Ксении Петербуржской
О, святая угодница Божия блаженная Ксения! Призри милостиво твоим оком на нас, раб Божиих(имена), честной твоей иконе умильно молящиеся и просящие у тебя помощи и заступления. Простри ко Господу Богу нашему тёплые твоя молитвы и испроси душам нашим оставление прегрешений. Се бо мы сердцем сокрушенным и духом смиренным тебе ходатицу милостивую ко Владыце и молитвенницу за ны, грешныя, призываем, яко ты прияла еси от Него благодать молиться за ны, и от бед избавляти. Тебе убо просим, не призри нас недостойных, молящихся тебе и твоей помощи требующих и исходатайствуй всем вся ко спасению полезная, яко да твоими ко Господу Богу молитвами получивши благодать и милость прославим всех благих Источника и Дароподателя и Бога Единого, в Троице Святей славимого, Отца и Сына и Святаго Духа, ныне и присно и во веки веков.
АМИНЬ.
Молитва по соглашению
О болящем
Господи Боже наш, Иисусе Христе, Пречистыми Твоими устами Ты сказал нам: «Если двое из вас согласятся на земле просить о всяком деле, то чего бы ни попросили, будет вам от Отца Моего Небесного». С глубокой верой в непреложность слов Твоих и безмерное милосердие Твое просим Тебя — услышать рабов Твоих (назвать имена просящих), согласившихся смиренно просить Тебя о бедствующем (болящем, заблудшем и тому подобное) рабе Твоем (имя) — да подаждь ему. (изложить просьбу). Однако не как мы хотим, а как Ты, Господи; да будет на всё воля Твоя святая. Аминь.
Молитва по соглашению О здравии
† Господи Иисусе Христе, Сыне Божий, Ты бо рекл еси пречистыми усты Твоими: Аминь глаголю вам, яко аще два от вас совещается на земли от всяцей вещи, еяже аще просита, будет има от Отца Моего, Иже на небесех: идеже бо еста два или трие собрани во имя Мое, ту есмь посреде их.
Непреложны словеса Твоя, Господи, милосердие Твое безприкладно и человеколюбию Твоему несть конца.
Сего ради молим Тя: даруй нам, рабам Твоим (назвать имена просящих) и всем, чьи имена Сам веси, Господи, согласившимся просить Тя
о даровании рабам Твоим (имена) здравия, укрепления, исцеления, вразумления и избавления от действа дьявольского, исполнения нашего прошения.
Но обаче не якоже мы хотим, но якоже Ты.
Да будет во веки воля Твоя.
Аминь

Видео:3 Канона: Иисусу Сладчайшему, Пресвятой Богородице, Ангелу Хранителю (ускоренный вариант)Скачать

Канон иисусу сладчайшему с ударениями

Акафист и канон Сладчайшему Господу нашему Иисусу Христу

Возбранный Воеводо и Господи, ада победителю, яко избавлься от вечныя смерти, похвальная восписую Ти, создание и раб Твой; но, яко имеяй милосердие неизреченное, от всяких мя бед свободи, зовуща: Иисусе, Сыне Божий, помилуй мя.

Ангелов Творче и Господи Сил, отверзи ми недоуменный ум и язык на похвалу пречистаго Твоего имене, якоже глухому и гугнивому древле слух и язык отверзл еси, и, глаголаше, зовый таковая:

Иисусе пречудный, Ангелов удивление;
Иисусе пресильный, прародителей избавление.
Иисусе пресладкий, патриархов величание;
Иисусе преславный, царей укрепление.
Иисусе прелюбимый, пророков исполнение;
Иисусе предивный, мучеников крепосте.
Иисусе претихий, монахов радосте;
Иисусе премилостивый, пресвитеров сладосте.
Иисусе премилосердый, постников воздержание;
Иисусе пресладостный, преподобных радование.
Иисусе пречестный, девственных целомудрие;
Иисусе предвечный, грешников спасение.
Иисусе, Сыне Божий, помилуй мя.

Видя вдовицу зельне плачущу, Господи, якоже бо тогда умилосердився, сына ея на погребение несома воскресил еси; сице и о мне умилосердися, Человеколюбче, и грехми умерщвленную мою душу воскреси, зовущую: Аллилуиа.

Разум неуразуменный разумети Филипп ища, Господи, покажи нам Отца, глаголаше; Ты же к нему: толикое время сый со Мною, не познал ли еси, яко Отец во Мне, и Аз во Отце есмь? Темже, Неизследованне, со страхом зову Ти:

Иисусе, Боже предвечный;
Иисусе, Царю пресильный.
Иисусе, Владыко долготерпеливый;
Иисусе, Спасе премилостивый.
Иисусе, хранителю мой преблагий;
Иисусе, очисти грехи моя.
Иисусе, отыми беззакония моя;
Иисусе, отпусти неправды моя.
Иисусе, надеждо моя, не остави мене;
Иисусе, помощниче мой, не отрини мене.
Иисусе, Создателю мой, не забуди мене;
Иисусе, Пастырю мой, не погуби мене.
Иисусе, Сыне Божий, помилуй мя.

Силою свыше апостолы облекий, Иисусе, во Иерусалиме седящия, облецы и мене, обнаженнаго от всякаго благотворения, теплотою Духа Святаго Твоего и даждь ми с любовью пети Тебе: Аллилуиа.

Имеяй богатство милосердия, мытари и грешники, и неверныя призвал еси, Иисусе; не презри и мене ныне, подобнаго им, но, яко многоценное миро, приими песнь сию:

Иисусе, сило непобедимая;
Иисусе, милосте безконечная.
Иисусе, красото пресветлая;
Иисусе, любы неизреченная.
Иисусе, Сыне Бога Живаго;
Иисусе, помилуй мя грешнаго.
Иисусе, услыши мя в беззакониих зачатаго;
Иисусе, очисти мя во гресех рожденнаго.
Иисусе, научи мя непотребнаго; Иисусе, освети мя темнаго.
Иисусе, очисти мя сквернаго;
Иисусе, возведи мя блуднаго.
Иисусе, Сыне Божий, помилуй мя.

Бурю внутрь имеяй помышлений сумнительных, Петр утопаше; узрев же во плоти Тя суща, Иисусе, и по водам ходяща, позна Тя Бога истиннаго и, руку спасения получив, рече: Аллилуиа.

Слыша слепый мимоходяща Тя, Господи, путем вопияше: Иисусе, Сыне Давидов, помилуй мя! И, призвав, отверзл еси очи его. Просвети убо милостию Твоею очи мысленныя сердца и мене, вопиюща Ти и глаголюща:

Иисусе, вышних Создателю;
Иисусе, нижних Искупителю.
Иисусе, преисподних потребителю;
Иисусе, всея твари украсителю.
Иисусе, души моея утешителю;
Иисусе, ума моего просветителю.
Иисусе, сердца моего веселие;
Иисусе, тела моего здравие.
Иисусе, Спасе мой, спаси мя;
Иисусе, свете мой, просвети мя.
Иисусе, муки всякия избави мя;
Иисусе, спаси мя, недостойнаго.
Иисусе, Сыне Божий, помилуй мя.

Боготочною Кровию якоже искупил еси нас древле от законныя клятвы, Иисусе, сице изми нас от сети, еюже змий запят ны страстьми плотскими и блудным наваждением, и злым унынием, вопиющия Ти: Аллилуиа.

Видевше отроцы еврейстии во образе человечестем Создавшаго рукою человека и Владыку разумевше Его, потщашася ветвьми угодити Ему, осанна вопиюще. Мы же песнь приносим Ти, глаголюще:

Иисусе, Боже истинный;
Иисусе, Сыне Давидов. Иисусе, Царю преславный;
Иисусе, Агнче непорочный.
Иисусе, Пастырю предивный;
Иисусе, хранителю во младости моей.
Иисусе, кормителю во юности моей;
Иисусе, похвало в старости моей.
Иисусе, надежде в смерти моей;
Иисусе, животе по смерти моей.
Иисусе, утешение мое на суде Твоем;
Иисусе, желание мое, не посрами мене тогда.
Иисусе, Сыне Божий, помилуй мя.

Проповедник богоносных вещание и глаголы исполняя, Иисусе, на земли явлься и с человеки Невместимый пожил еси, и болезни наша подъял еси; отнюдуже ранами Твоими мы исцелевше, пети навыкохом: Аллилуиа.

Возсия вселенней просвещение истины Твоея, и отгнася лесть бесовская: идоли бо, Спасе наш, не терпяще Твоея крепости, падоша. Мы же, спасение получивше, вопием Ти:

Иисусе, истино, лесть отгонящая;
Иисусе, свете, превышший всех светлостей.
Иисусе, Царю, премогаяй всех крепости;
Иисусе, Боже, пребываяй в милости.
Иисусе, Хлебе Животный, насыти мя алчущаго;
Иисусе, источниче разума, напой мя жаждущаго.
Иисусе, одеждо веселия, одей мя тленнаго;
Иисусе, покрове радости, покрый мя, недостойнаго.
Иисусе, подателю просящим, обретение ищущим, обрящи душу мою.
Иисусе, отверзителю толкущим, отверзи сердце мое окаянное;
Иисусе, Искупителю грешных, очисти беззакония моя.
Иисусе, Сыне Божий, помилуй мя.

Хотя сокровенную тайну от века открыти, яко овча на заколение веден был еси, Иисусе, и яко агнец прямо стригущаго его безгласен, и яко Бог из мертвых воскресл еси и со славою на небеса вознеслся еси, и нас совоздвигл еси, зовущих: Аллилуиа.

Дивную показа тварь, явлейся Творец нам: без семене от Девы воплотися; из гроба, печати не рушив, воскресе; и ко апостолом, дверем затворенным, с плотию вниде. Темже чудящеся, воспоим:

Иисусе, Слове необыменный;
Иисусе, Слове несоглядаемый.
Иисусе, сило непостижимая;
Иисусе, мудросте недомыслимая.
Иисусе, Божество неописанное;
Иисусе, господство неисчетное.
Иисусе, царство непобедимое;
Иисусе, владычество безконечное.
Иисусе, крепосте высочайшая;
Иисусе, власте вечная.
Иисусе, Творче мой, ущедри мя;
Иисусе, Спасе мой, спаси мя.
Иисусе, Сыне Божий, помилуй мя.

Странно Бога вочеловечшася видяще, устранимся суетнаго мира и ум на Божественная возложим. Сего бо ради Бог на землю сниде, да нас на небеса возведет, вопиющих Ему: Аллилуиа.

Весь бе в нижних, и вышних никакоже отступи Неисчетный, егда волею нас ради пострада и смертию Своею нашу смерть умертви, и воскресением живот дарова поющим:

Иисусе, сладосте сердечная;
Иисусе, крепосте телесная.
Иисусе, светлосте душевная;
Иисусе, быстрото умная.
Иисусе, радосте совестная;
Иисусе, надеждо известная.
Иисусе, памяте предвечная;
Иисусе, похвало высокая.
Иисусе, славо моя превознесенная;
Иисусе, желание мое, не отрини мене.
Иисусе, Пастырю мой, взыщи мене;
Иисусе, Спасе мой, спаси мене.
Иисусе, Сыне Божий, помилуй мя.

Все естество ангельское безпрестани славит пресвятое имя Твое, Иисусе, на небеси: Свят, Свят, Свят, вопиюще; мы же, грешнии, на земли бренными устнами вопием: Аллилуиа.

Ветия многовещанныя, якоже рыбы безгласныя видим о Тебе, Иисусе, Спасе наш: недоумеют бо глаголати, како Бог непреложний и человек совершенный пребываеши? Мы же, таинству дивящеся, вопием верно:

Иисусе, Боже предвечный;
Иисусе, Царю царствующих.
Иисусе, Владыко владеющих;
Иисусе, Судие живых и мертвых.
Иисусе, надеждо ненадежных;
Иисусе, утешение плачущих.
Иисусе, славо нищих;
Иисусе, не осуди мя по делом моим.
Иисусе, очисти мя по милости Твоей;
Иисусе, отжени от мене уныние.
Иисусе, просвети моя мысли сердечныя;
Иисусе, даждь ми память смертную.
Иисусе, Сыне Божий, помилуй мя.

Спасти хотя мир, Восточе востоком, к темному западу — естеству нашему пришед, смирился еси до смерти; темже превознесеся имя Твое паче всякаго имене, и от всех колен небесных и земных слышиши: Аллилуиа.

Царю Превечный, Утешителю, Христе истинный, очисти ны от всякия скверны, якоже очистил еси десять прокаженных, и исцели ны, якоже исцелил еси сребролюбивую душу Закхеа мытаря, да вопием Ти, во умилении зовуще:

Иисусе, сокровище нетленное;
Иисусе, богатство неистощимое.
Иисусе, пище крепкая;
Иисусе, питие неисчерпаемое.
Иисусе, нищих одеяние;
Иисусе, вдов заступление.
Иисусе, сирых защитниче;
Иисусе, труждающихся помоще.
Иисусе, странных наставниче;
Иисусе, плавающих кормчий.
Иисусе, бурных отишие;
Иисусе, Боже, воздвигни мя падшаго.
Иисусе, Сыне Божий, помилуй мя.

Пение всеумиленное приношу Ти, недостойный, вопию Ти яко хананеа: Иисусе, помилуй мя; не дщерь бо, но плоть имам страстьми люте бесящуюся и яростию палимую, и исцеление даждь вопиющу Ти: Аллилуиа.

Светоподательна светильника сущим во тьме неразумия, прежде гоняй Тя Павел, богоразумнаго гласа силу внуши и душевную быстроту уясни; сице и мене темныя зеницы душевныя просвети, зовуща:

Иисусе, Царю мой прекрепкий;
Иисусе, Боже мой пресильный.
Иисусе, Господи мой пребезсмертный;
Иисусе, Создателю мой преславный.
Иисусе, Наставниче мой предобрый;
Иисусе, Пастырю мой прещедрый.
Иисусе, Владыко мой премилостивый;
Иисусе, Спасе мой премилосердый.
Иисусе, просвети моя чувствия, потемненныя страстьми;
Иисусе, исцели мое тело, острупленное грехми.
Иисусе, очисти мой ум от помыслов суетных;
Иисусе, сохрани сердце мое от похотей лукавых.
Иисусе, Сыне Божий, помилуй мя.

Благодать подаждь ми, всех долгов решителю, Иисусе, и приими мя кающася, якоже приял еси Петра, отвергшагося Тебе, и призови мя, унывающаго, якоже древле Павла, гоняща Тя, и услыши мя, вопиюща Ти: Аллилуиа.

Поюще Твое вочеловечение, восхваляем Тя вси и веруем со Фомою, яко Господь и Бог еси, седяй со Отцем и хотяй судити живым и мертвым. Тогда убо сподоби мя деснаго стояния, вопиющаго:

Иисусе, Царю предвечный, помилуй мя;
Иисусе, цвете благовонный, облагоухай мя.
Иисусе, теплото любимая, огрей мя;
Иисусе, храме предвечный, покрый мя.
Иисусе, одеждо светлая, украси мя;
Иисусе, бисере честный, осияй мя.
Иисусе, каменю драгий, просвети мя;
Иисусе, солнце правды, освети мя.
Иисусе, свете святый, облистай мя;
Иисусе, болезни душевныя и телесныя избави мя.
Иисусе, из руки сопротивныя изми мя;
Иисусе, огня неугасимаго и прочих вечных мук свободи мя.
Иисусе, Сыне Божий, помилуй мя.

О, пресладкий и всещедрый Иисусе! Приими ныне малое моление сие наше, якоже приял еси вдовицы две лепте, и сохрани достояние Твое от враг видимых и невидимых, от нашествия иноплеменних, от недуга и глада, от всякия скорби и смертоносныя раны, и грядущия изми муки всех, вопиющих Ти: Аллилуиа.

(Этот кондак читается трижды, затем 1-й икос и 1-й кондак)

Владыко Господи Иисусе Христе Боже мой, иже неизреченнаго ради Твоего человеколюбия на конец веков во плоть оболкийся от Приснодевы Марии, славлю о мне Твое спасительное промышление, раб Твой, Владыко; песнословлю Тя, яко Тебе ради Отца познах; благословлю Тя, Егоже ради и Дух Святый в мир прииде; покланяюся Твоей по плоти Пречистой Матери, таковей страшней тайне послужившей; восхваляю Твоя Ангельская ликостояния, яко воспеватели и служители Твоего величествия; ублажаю Предтечу Иоанна, Тебе крестившаго, Господи; почитаю и провозвестившия Тя пророки, прославляю апостолы Твоя святыя; торжествую же и мученики, священники же Твоя славлю; покланяюся преподобным Твоим, и вся Твоя праведники пестунствую. Таковаго и толикаго многаго и неизреченнаго лика Божественнаго в молитву привожду Тебе, всещедрому Богу, раб Твой, и сего ради прошу моим согрешением прощения, еже даруй ми всех Твоих ради святых, изряднее же святых Твоих щедрот, яко благословен еси во веки. Аминь.

Тебе, Господи, единому Благому и Непамятозлобному, исповедаю грехи моя, Тебе припадаю вопия, недостойный: согреших, Господи, согреших и несмь достоин воззрети на высоту небесную от множества неправд моих. Но, Господи мой, Господи, даруй ми слезы умиления, единый Блаже и Милостивый, яко да ими Тя умолю, очиститися прежде конца от всякаго греха: страшно бо и грозно место имам проити, тела разлучився, и множество мя мрачное и безчеловечное демонов срящет, и никтоже в помощь спутствуяй или избавляяй. Тем припадаю Твоей благости, не предаждь обидящым мя, ниже да похвалятся о мне врази мои, Благий Господи, ниже да рекут: в руки наша пришел еси, и нам предан еси. Ни, Господи, не забуди щедрот Твоих и не воздаждь ми по беззаконием моим, и не отврати лица Твоего от мене: но Ты, Господи, накажи мя, обаче милостию и щедротами. Враг же мой да не возрадуется о мне, но угаси eго на мя прещения и все упраздни eго действо, и даждь ми к Тебе путь неукорный, Благий Господи: занеже и согрешив, не прибегох ко иному врачу, и не прострох руки моея к богу чуждему, не отрини убо моления моего, но услыши мя Твоею благостию и утверди мое сердце страхом Твоим, и да будет благодать Твоя на мне, Господи, яко огнь попаляяй нечистыя во мне помыслы. Ты бо еси, Господи, свет, паче всякаго света; радость, паче всякия радости; упокоение, паче всякаго упокоения; жизнь истинная и спасение, пребывающее во веки веков, аминь.

(Ко Господу нашему Иисусу Христу)

Ирмос: Во глубине постла иногда фараонитское всевоинство преоруженная сила, воплощшееся же Слово всезлобный грех потребило есть: препрославленный Господь, славно бо прославися.

Припев: Иисусе Сладчайший, спаси мя

Иисусе Сладчайший Христе, Иисусе долготерпеливе, души моея язвы исцели, Иисусе, и услади сердце мое, Многомилостиве, молюся, Иисусе Спасе мой, да величаю Тя, спасаемый.

Иисусе Сладчайший, спаси мя

Иисусе Сладчайший Христе, Иисусе, отверзи покаяния ми дверь, человеколюбче Иисусе, и приими мя, Тебе припадающа и тепле просяща, Иисусе Спасе мой, согрешений прощения.

Слава: Иисусе Сладчайший Христе, Иисусе, исхити мя из руки льстиваго велиара, Иисусе, и сотворидеснаго предстоятеля славы Твоея, Иисусе Спасе мой, части шуия мя избавляяй.

И ныне: Иисуса рождшая Бога, Владычице, моли о непотребных рабех, Пречистая, яко да муки молитвами Твоими избавимся, Нескверная, оскверненнии, славы присносущныя наслаждающеся.

Ирмос: На камени мя веры утвердив, разширил еси уста моя на враги моя. Возвесели бо ся дух мой, внегдапети: несть свят, якоже Бог наш, и несть праведен паче Тебе, Господи.

Иисусе Сладчайший, спаси мя

Услыши, человеколюбче Иисусе мой, раба Твоего, вопиюща во умилении, и избави мя, Иисусе, осуждения и муки, едине долготерпеливе, Иисусе Сладчайший многомилостиве.

Иисусе Сладчайший, спаси мя

Подъими раба Твоего, Иисусе мой, припадающа со слезами, Иисусе мой, и спаси, Иисусе мой, кающагося мя и геенны, Владыко, избави, Иисусе Сладчайший многомилостиве.

Слава: Время, Иисусе мой, еже дал ми еси, во страсти иждих, Иисусе мой. Темже, Иисусе мой, не отвержи мя, но воззови, молюся, Владыко Иисусе Сладчайший, и спаси.

И ныне: Дево, рождшая Иисуса моего, моли избавити мя геенны, едино предстательство оскорбляемых, Богоблагодатная, и сподоби мя жизни, Всенепорочная, нестареющияся.

Седален, глас 1-й

Спасе мой Иисусе, блуднаго спасый, Спасе мой Иисусе, приемый блудницу, и мене ныне помилуй, Иисусе многомилостиве, спаси, ущедри, о Иисусе благодетелю, якоже, Благоутробне, Манассию, Иисусе мой, яко Един человеколюбец.

Ирмос: Пришел еси от Девы, не ходатай, ни Ангел, но Сам, Господи, воплощся, и спасл еси всего мя человека. Тем зову Ти: слава силе Твоей, Господи.

Иисусе Сладчайший, спаси мя

Исцели, Иисусе мой, души моея язвы, Иисусе мой, молюся, и руки мя исхити, Иисусе мой благоутробне, душетленнаго велиара, и спаси.

Иисусе Сладчайший, спаси мя

Согреших, Иисусе мой Сладчайший, благоутробне; Иисусе мой, спаси мя, прибегающаго к покрову Твоему, Иисусе долготерпеливе, и Царствия Твоего мя сподоби.

Слава: Никтоже согреши, Иисусе мой, якоже согреших аз, окаянный, но припадаю моляся, Иисусе мой, спаси мя и жизни, Иисусе мой, наследие ми даруй.

И ныне: Всепетая, Иисуса рождшая Господа, Того моли избавити муки вся, поющия Тя, и Богородицу воистинну именующия.

Ирмос: Просвещение во тме лежащих, спасение отчаянных, Христе Спасе мой, к Тебе утренюю, Царюмира, просвети мя сиянием Твоим: иного бо разве Тебе бога не знаю.

Иисусе Сладчайший, спаси мя

Ты просвещение, Иисусе мой, ума моего, Ты спасение отчаянныя души моея, Спасе, Ты, Иисусе мой, муки избави и геенны мя, зовуща: спаси, Иисусе мой Христе, мя окаяннаго.

Иисусе Сладчайший, спаси мя

Всеконечно, Иисусе мой, ко страсти безчестия низвержен ныне зову: Ты, Иисусе мой, помощи ми руку низпослав, исторгни зовуща: спаси, Иисусе мой Христе, мя окаяннаго.

Слава: Осквернен ум, Иисусе мой, обнося, взываю Ти: очисти мя от скверны прегрешений и избави мя во глубины злобы от неведения низпоползшагося, Спасе Иисусе мой, и спаси мя, молюся.

И ныне, Богородичен: Иисуса рождшая, Отроковице Богородительнице, Того умоли спасти вся православныя, монахи и мирския, и геенны избавити зовущия: разве Тебе предстательства твердаго не знаем.

Ирмос: В бездне греховней валяяся, неизследную милосердия Твоего призываю бездну: от тли, Боже, мя возведи.

Иисусе Сладчайший, спаси мя

Иисусе мой Христе многомилостиве, исповедающася приими мя, Владыко, о Иисусе, и спаси мя, и от тли, Иисусе, мя исхити.

Иисусе Сладчайший, спаси мя

Иисусе мой, никтоже бысть ин блудник, якоже аз, страстный, о Иисусе человеколюбче: но Ты, Иисусе, мя спаси.

Слава: Иисусе мой, блудницу и блуднаго, и Манассию и мытаря преидох, о Иисусе мой, страстьми, и разбойника, Иисусе, и ниневитяны.

И ныне: Иисуса Христа моего рождшая, Пречистая Дево, едина нескверная, осквернена суща мя молитв Твоих иссопом ныне очисти.

Господи, помилуй. (Трижды) Слава, и ныне:

Ирмос: Образу златому на поле Деире служиму, трие Твои отроцы небрегоша безбожнаго веления, посредеже огня ввержени, орошаеми пояху: благословен еси, Боже отец наших.

Иисусе Сладчайший, спаси мя

Христе Иисусе, никтоже согреши на земли от века, о Иисусе мой, якоже согреших аз, окаянный и блудный. Темже, Иисусе мой, вопию Ти: поюща мя ущедри, благословен еси, Боже отец наших.

Иисусе Сладчайший, спаси мя

Христе Иисусе, ко страху Твоему, вопию, пригвозди мя, о Иисусе мой, и окорми ныне ко пристанищу благоотишному, яко да, Иисусе мой щедре, пою Ти спасаемый: благословен еси, Боже отец наших.

Слава: Христе Иисусе, тмами обещах Тебе, страстный, о Иисусе мой, покаяние, но солгах окаянный. Темже, Иисусе мой, вопию Ти: нечувственне пребывающую душу мою просвети, Христе, отцев Боже благословен еси.

И ныне, Богородичен: Христа Иисуса рождшая странно и паче естества, Того моли, Всенепорочная, яже чрез естествомоя прегрешения вся простити ми, Отроковице, да зову спасаемь: благословена еси, Бога плотию рождшая.

Ирмос: В пещь огненную ко отроком еврейским снизшедшаго и пламень в росу преложшаго Бога, пойте, дела, яко Господа, и превозносите во вся веки.

Иисусе Сладчайший, спаси мя

Тя, Иисусе мой, молю: якоже блудницу, Иисусе мой, избавил еси многих согрешений, тако и мене, Иисусе Христе мой, избави, и очисти оскверненную душу мою, Иисусе мой.

Иисусе Сладчайший, спаси мя

Преклонився, Иисусе, безсловесными сластьми, безсловесен явихся и скотом воистинну, Иисусе мой, страстно окаянный уподобихся; темже, Иисусе, безсловесия мя избави.

Слава: Впад, о Иисусе, в душетленныя разбойники, обнажихся одежды, Иисусе мой, боготканныя ныне, и лежу ранами уязвлен; елей, Христе мой, возлей на мя и вино.

И ныне, Богородичен: Иисуса моего и Бога носившая Христа несказанно, Богородице Марие, Того моли присно от бед спастися рабом Твоим, и певцем Твоим, Неискусомужная Дево.

Ирмос: От Бога Бога Слова, неизреченною мудростию пришедшаго обновити Адама, ядию в тление падшаго люте, от Святыя Девы неизреченно воплотившагося нас ради, вернии единомудренно песньми величаем.

Иисусе Сладчайший, спаси мя

Манассию, Иисусе мой, мытаря, блудницу, блуднаго, щедре Иисусе, и разбойника преидох, Иисусе мой, в делех студных и безместных, Иисусе; но Ты, Иисусе мой, предварив, мя спаси.

Иисусе Сладчайший, спаси мя

От Адама, Иисусе мой, согрешившия вся, прежде закона и в законе, Иисусе, и по законе, окаянный, и благодати, Иисусе мой, победих страстьми окаянно; но Ты, Иисусе мой, судьбами Твоими спаси мя.

Слава: Да не отлучен буду, Иисусе мой, неизреченныя Твоея славы, да не улучу части, Иисусе, шуия, Сладчайший Иисусе; но Ты мя десным овцам Твоим, Христе Иисусе мой, сочетав упокой, яко благоутробен.

И ныне, Богородичен: Иисуса, Богородице, Егоже носила еси, едина неискусомужная Дево Марие, Того, Чистая, умилостиви, яко Сына Твоего и Зиждителя, избавити притекающия к Тебе искушений и бед, и огня будущаго.

Иисусе, премудрости и смысла Подателю, нищим Кормителю, сирым Заступниче, болящим Врачу, исцели и просвети мое сердце, Иисусе, струпы греховными и страстей тлею покровенное, Иисусе, и спаси мя.

Богородичен: Сиянием, Дево, из Тебе возсиявшаго Света, ум мой озари, сердце просвети, тьму греховную отгоняющи, и мглу лености моея потребляющи.